Новости

„Во земјава се следи состојбата во однос на радикализацијата и поттикнувањето на екстремизам, по разни основи. Присутни се обиди за поттикнување на верскиот радикализам но, тие не се толку загрижувачки. Клучен е етничкиот национализам што на еден или друг начин го поттикнуваат партиите, кој што за жал, се потврди со неодамнешните инциденти со знамињата. Генерално Македонија моментално не е загрозена од екстремизам и тероризам“, вели во разговор за МИА Павле Трајанов, национален координатор за справување со насилен екстремизам и борба против тероризмот.

Со цел остварување на регионална соработка на државите од Западен Балкан на 27 и 28 февруари во Скопје се одржа „Регионална конференција за превенција од насилен екстремизам и искуствата на претставници од државните институции“.

Од 20 до 22 декември 2023 година, се одржа координативна работилница на националниот координатор и членовите на Интер-ресорската работна група за рехабилитација, ресоцијализација и реинтеграција на повратници од странски војски и членови на нивните семејства и претставници од невладините организации кои учествуваат во овој процес.

Во период од 20ти до 22ри ноември 2023 година, Националниот комитет за спречување насилен некстремизам и борба против тероризам во соработка со Меѓународната организација за миграции (ИОМ) одржа успешна работилница во рамките на Програмата за реинтеграција преку рехабилитација и ресоцијализација во Република Северна Македонија. Оваа иницијатива беше насочена кон повратници од конфликтни подрачја и членови на нивните семејства, со посебен акцент кон жените и децата, со цел да се поддржи нивната успешна интеграција во системот за социјална заштита и безбедност.

Во рамките на проектот Mрежа за подигање на свеста за радикализација -РАН, Европската комисија на 15 и 16 ноември организираше обука во Скопје за Стратешка комуникација на тема: Отпорност и реинтеграција, справување со странски терористички борци на Балканот со особен фокус на жените и децата.